12月了,07年很快會過去,離A-Level亦愈來愈近。期待著一個新的開始~

以後不會再用這個xanga。

今日ex-1D 飯聚,正式同佢地分組,亦介紹左追追比佢地識。希望佢地盡快適應 la,最重要係快d改組名,如果唔係都唔知點叫佢地好~多謝幾位上年ge partner,各方面都比左好大ge support比我~黎緊同ar Ray part,相信大家都會合作得好好~你要比多d信心自己ar,你係一個好有心而且有能力ge組長,放膽去試,大家一齊努力!!!

p.s.縱使我地唔可愛,仍然有祂願意愛我地~~

     有一天,我們都會成為一個可愛的人。互相代禱~~

好快又放完暑假la~成個暑假都好hea,開學之後真係要收心養性,比心機讀書la~

岩岩睇緊 jupas ge資料,中大真係收得好高,仲想入Psycho,似乎係發緊夢...可能揀其他 U會好d~~要填晒25個choice好難ar,我有興趣ge都係Psycho,geog,soci或者有關教育ge野,最多都係填到十幾個,要填d唔係太有興趣ge做水泡~~

最近有種感覺,好迷茫,前面好似有好多野都睇唔清楚。好想快d考完A-Level,利用個假期比自己靜下,諗清楚前面條路要點行,亦期待考完A-Level之後生活有d轉變。點都好,而家對我黎講最重要係考好個試,有籌碼先可以選擇自己ge路。仲有就係好好牧養一班中二ge小羊,學習做一個好組長。其餘ge,學習交託~

詩 119:105

你 的 話 是 我 腳 前 的 燈 、 是 我 路 上 的 光 。

需要從袮而來的方向和指引。

小組訓真係好精彩,淨係去左一日已經覺得好正。精彩在於,見到自己ge組員真係好有心去追求信仰,去事奉神,正如ar橋所講,係一塊塊未琢磨ge寶石放係面前。精彩在於,生命線中,佢地真誠ge分享。見證能夠感動人,唔在於技巧,在於真情流露。

期待MI camp更精彩。

可能以往事奉未盡全力,不過出年我要帶住更大ge使命,讓事奉真真正正能夠榮耀神。

五日ge北京之行結束la~好掛住大家,唔知你地有冇掛住我呢?可能你地會掛住我d手信多d~~ha~

第一次搭飛機,窗外ge雲海好似綿花咁,好靚,好壯觀~~成個旅程印象最深ge係參觀故宮,圓明園同埋抗日戰爭紀念館。讀文科ge人,對中國歷史總係有d情意結。親身去到呢d古蹟,同淨係睇書或者聽老師講,感覺好唔同,感受深刻好多。中國科技館係另一個我幾中意ge地方,有好多好得意ge實驗,亦印證左中國科學比西方起步早,並非想像中般落後。唔少得ge係去長城做好漢,不過以我ge體力,行左好短ge路程就折返買紀念品la~我地仲去左天安門睇升旗(3:00am出發ar~~),去左人民大會堂同盧溝橋等景點。

成個旅程都有一個首都師範大學ge學生陪同,我地亦都去左首師大附屬麗澤中學參觀。佢地比我ge感覺同上年精兵時內地年青人比我ge感覺一樣,都係咁熱情主動,而且好有藝術天份。北京早,晚比我ge感覺好唔同,朝早感覺好古色古香,好多好典雅ge建築物,有d古老ge味道。夜晚著左霓虹燈,感覺好華麗,係一個好現代化ge城市。

美中不足ge係,行程太緊密,有d走馬看花,而且成日塞車,返黎個陣飛機又delay。不過整體上,呢個旅程都幾開心,識到幾個同小組ge同學(希望可以keep in touch),天氣又好(本來諗住第二日會落大雨,但雨夜晚落左,參觀個陣天朗氣清,落雨之後空氣都好左)。

p.s.返到 HK有一個驚喜,就係原來有一個幾年冇聯絡ge小學同學搵過我,話好掛住我。每一次當我覺得關係好容易變,朋友好難可以一世ge時候,都總會有d野話比我聽可以有例外。同時我都會問返自己,我有冇盡力去keep fdship呢?我會執著朋友要成日聯絡,想知道佢地ge情況,但就好少真係主動搵佢地。而且,大家都忙,要成日聯絡唔太可能,亦都未必要靠呢樣野去維持關係。要有知足ge心,朋友仲記得你,會掛住你,其實已經好夠。係時候要覆電話la~~